Uyga vazifa

Mazkur haftada o'tilgan darslar bo'yicha mustaqil bajarish uchun topshiriqlar. Har bir vazifa 20–30 daqiqaga mo'ljallangan. Barcha fayllarni bitta 5-hafta_Ism papkasida saqlang — tugma va menyular 6-haftada (HUD va prototip) kerak bo'ladi.

---

13-dars: Sprayt sheet (atlas) tayyorlash va optimallashtirish

1. Qahramoningiz uchun idle (2 kadr) va yurish (4 kadr) animatsiyalaridan bitta 128×64 px sheet tayyorlang: 1-qator — idle, 2-qator — yurish, kataklar 32×32.
2. Oyoq chizig'i (tayanch nuqta) barcha kadrlarda bir xil ekanini gorizontal guide bilan tekshiring.
3. 12-darsdagi obyektlaringizdan (kamida 4 ta) 64×64 px atlas yig'ing (16×16 kataklar, o'xshashlari bir qatorda).
4. Ikkalasini shaffof PNG, 100% qilib eksport qiling va qoidaga ko'ra nomlang.

Kutiladigan natija: qahramon_sheet_32x32.png, obyektlar_atlas_16x16.png va .psd fayllar.

---

14-dars: Tugmalar turlari, holatlari (Normal, Hover, Pressed)

1. O'yiningiz uslubida Primary («START») va Secondary («ORTGA») tugmalarni yarating (Rectangle Tool, Corners, Stroke, Text Tool).
2. Har biri uchun Normal, Hover va Pressed holatlarini alohida nomlangan qatlamlarda tayyorlang.
3. Barcha holatlarni bir xil kanvas o'lchamida, shaffof PNG qilib eksport qiling (6 ta fayl).

Kutiladigan natija: btn_start_normal.png … btn_ortga_pressed.png va .psd fayl.

---

15-dars: Bosh menyu, sozlamalar va pauza menyusi dizayni

1. 1920×1080 hujjatda bosh menyu yarating: «MENU» sarlavhasi, START, Sozlamalar, Chiqish (qizil), Solid Color fon, 2 ta bezak doira.
2. Qatlamlarni Ctrl + G bilan guruhlang va nomlang (Main Menu).
3. Shu uslubda pauza menyusini chizing: qorong'ilashtirilgan o'yin sahnasi, panel, «PAUZA», Davom etish / Sozlamalar / Bosh menyuga.
4. Ikkala ekranni PNG qilib eksport qiling.

Kutiladigan natija: bosh_menyu.png, pauza_menyu.png va .psd fayl.

---