Uyga vazifa

Har bir vazifa 20–30 daqiqa. Parol, token, maxfiy kalit va shaxsiy ma'lumotlarni hech kimga yubormang va fayllarga yozmang: topshirishda faqat fayl yoki ochiq repo havolasi kerak.

1-dars uchun (IT ekotizimi va SDLC)

1-topshiriq: «Portfolio-loyiha: talab»

1. Darsda boshlagan SRS-mini.md faylini yakunlang. Unda bo'lishi kerak: bir jumlalik maqsad; 5 ta user story; har bir user story uchun kamida 2 ta qabul mezoni; «loyiha nimani qilmaydi» bo'limida 3 ta cheklov.
2. Qabul mezonlarini o'lchanadigan qilib yozing: «chiroyli», «tez» kabi mavhum so'zlar o'rniga son yoki tekshiriladigan shart yozing.
3. Sevimli ilovangizning 4 qatlamli xaritasini (klient, ilova, platforma, infratuzilma) toza chizing: har qatlamda kamida 2 ta komponent bo'lsin. Rasm yoki foto qiling.
4. Terminalda git --version buyrug'ini ishga tushiring va natijani tekshiring: keyingi darsda Git bilan ishlaymiz.

Kutiladigan natija: SRS-mini.md (5 user story, 10 dan ortiq o'lchanadigan qabul mezoni, 3 cheklov); ilova xaritasining rasmi; git --version versiya raqamini chiqaradi. Topshirish: SRS-mini.md fayli, xarita rasmi va git --version natijasining skrinshoti yoki ko'chirilgan matni.

2-dars uchun (Git asoslari: commit, branch, merge)

2-topshiriq: dev-journal ni boyiting

1. dev-journal repozitoriyasida .gitignore faylini yarating. Unda kamida .env va __pycache__/ qatorlari bo'lsin.
2. Uch kun uchun notes/kun-1.md, notes/kun-2.md, notes/kun-3.md yozuvlarini yozing. Har bir fayl alohida commit bo'lsin, xabarlar Conventional Commits uslubida (masalan, docs: ...).
3. feature/skills shoxini oching, unda bitta o'zgarish qiling va commit qiling, so'ng uni main ga merge qiling.
4. git log --oneline --graph natijasini log.txt fayliga saqlang va shu faylni ham commit qiling.

Kutiladigan natija: git log da 3 ta kunlik yozuv commiti, .gitignore commiti, merge va log.txt commiti ko'rinadi; grafikda feature/skills shoxi main ga qo'shilgani bilinadi; git status toza. Topshirish: log.txt fayli va git status natijasi. Keyingi darsda bu repoz GitHub'ga yuklanadi.

3-dars uchun (GitHub)

3-topshiriq: dev-log ni davom ettiring

1. Darsda yaratgan dev-log repongizga yana 2 ta mazmunli commit qo'shing (masalan, todo.py ga yangi buyruq va README.md ni yaxshilash). Commit xabari nima o'zgarganini aniq aytsin.
2. GitHub'da bitta Issue oching va uni commit xabaridagi Closes #N (o'z Issue raqamingiz) orqali yoping.
3. O'zgarishlarni git push bilan GitHub'ga yuboring va repo ochiq (public) ekanini tekshiring.
4. Repo havolasini mentorga yuboring.

Kutiladigan natija: GitHub'dagi dev-log da yangi 2 ta commit; Issue Closed holatida va uni yopgan commitga havola bor; README.md va .gitignore joyida; repo havolasi brauzerda (kirmasdan) ochiladi. Topshirish: faqat ochiq repo havolasi (https://github.com/<nom>/dev-log). Parol, token yoki kalit yubormang.