Uyga vazifa

Mazkur haftada o'tilgan darslar bo'yicha mustaqil bajarish uchun topshiriqlar. Har bir vazifa 20–30 daqiqaga mo'ljallangan. Natijani hujjat (jadval, rasm) yoki Tinkercad/Wokwi havolasi va skrinshotlar bilan topshiring.

---

13-dars: Arduino va Raspberry Pi

1. Arduino UNO va Raspberry Pi 4 ni 6 mezon bo'yicha taqqoslovchi jadval tuzing: OS, protsessor/RAM, tarmoq, dasturlash tili, energiya, narx.
2. Har bir qurilma uchun 2 tadan real IoT loyiha misolini yozing va nega aynan shu qurilma tanlanganini 1 jumlada asoslang.
3. Raspberry Pi Pico nega «mikrokompyuter» emas, balki mikrokontroller ekanini 2–3 jumlada tushuntiring.

---

14-dars: ESP8266 va ESP32 imkoniyatlari

1. ESP8266 va ESP32 taqqoslash jadvalini tuzing (7 xususiyat: tezlik, yadrolar, Wi-Fi, Bluetooth, GPIO, ADC, UART).
2. Wi-Fi'ga ulanish dasturini (WiFi.h) qatorma-qator izohlang; Station va Access Point rejimlariga bittadan misol keltiring.
3. 3 ta loyihaga mos modulni tanlang va asoslang: (a) Wi-Fi rele; (b) Bluetooth'li qadam sanagich; (c) 5 ta sensorli ob-havo stansiyasi + ekran + bulut.
4. Qo'shimcha: Wokwi'da ESP32 Wi-Fi ulanish kodini ishga tushirib, IP va RSSI qiymatlarini skrinshot bilan yuboring.

---

15-dars: Mikrokontroller tushunchasi (1-qism)

1. Mikrokontroller va mikroprotsessorni 5 mezon bo'yicha taqqoslovchi jadval tuzing (tuzilishi, vazifasi, tezlik/quvvat, narx, misollar).
2. Arduino UNO rasmida ATmega328P, raqamli pinlar (14), analog pinlar (6), 5V/3.3V/GND, USB-B va kvars generatorni belgilang.
3. «Tugma → LED» dasturida Input va Output qatorlarini, RAM'dagi o'zgaruvchini va CPU qaror qabul qiladigan qatorni belgilang. Tok o'chib-yonsa nima saqlanishini yozing.
4. Uyingizdan ichida mikrokontroller ishlaydigan 5 ta qurilmani toping va har birining «bitta vazifasini» yozing.

---