Uyga vazifa

Ushbu haftada o'tilgan darslar bo'yicha mustaqil amaliy uyga vazifalar ro'yxati:

---

10-dars. Simulyator va Emulator (2-qism): Real qurilma, ADB va Logcat

1. O'z Android telefoningizda Developer Options va USB Debugging rejimini faollashtiring.
2. Android Studio'dagi Terminal oynasidan adb devices buyrug'ini ishga tushirib, telefoningiz ro'yxatda chiqqan holati skrinshotini oling.
3. MainActivity.kt faylida Log.i("UY_IShI", "Ilova real telefonda muvaffaqiyatli ishga tushdi!") kodini qo'shib, Logcat oynasidan shu xabarni topib skrinshot qiling.

---

11-dars. Kotlin sintaksisi (1-qism): val vs var va ma’lumot turlari

1. val va var yordamida o'z smartfoningiz haqidagi ma'lumotlarni (modeli: String, narxi: Double, xotirasi_GB: Int, quvvat_foizi: Int, kamera_bormi: Boolean) saqlovchi Kotlin dasturini yozing.
2. 3 ta fandan olingan baholarning o'rtacha arifmetik qiymatini hisoblab, println("O'rtacha baho: ${...}") shabloni orqali chiqaring.
3. String ko'rinishidagi narxni (val narx = "150000") toInt() orqali butun songa o'tkazib, 12% QQS qo'shilgan yakuniy to'lov miqdorini hisoblang.

---

12-dars. Kotlin sintaksisi (2-qism): if va when shart operatorlari

1. Foydalanuvchi yoshiga qarab toifani ("Bola", "O'smir", "Katta", "Keksa") aniqlovchi dasturni when (yosh) va in 1..12, in 13..18, in 19..60, else orqali yozing.
2. Mini-Kalkulyator dasturi: ikkita son a = 20.0, b = 5.0 va amal belgisi amal = "*" berilganda when (amal) yordamida to'rtala arifmetik amalni (+, -, *, /) bajaring.
3. Do'kondagi chegirma tizimi: Xarid summasiga qarab chegirma miqdorini aniqlang (100 minggacha — 0%, 500 minggacha — 5%, 1 milliongacha — 10%, 1 milliondan yuqori — 15%) va yakuniy to'lov summasini chiqaring.

---