Uyga vazifa

Mazkur haftada o'tilgan darslar bo'yicha mustaqil bajarish uchun topshiriqlar to'plami. Har bir vazifa 25–30 daqiqaga mo'ljallangan.

---

7-dars: Git bilan versiya nazorati asoslari

1. Kompyuteringiz terminalida git config --list buyrug'ini ishga tushiring va ismingiz hamda pochtangiz to'g'ri sozlanganini tasdiqlang.
2. Yangi papka ochib, git init orqali ombor yarating.
3. Loyihada .gitignore faylini ochib, Android uchun eng zarur qoidalarni kiriting:
   • .gradle/, build/, app/build/
   • local.properties
   • *.apk, *.aab
4. Kamida 3 ta turli fayl yaratib, ketma-ket 3 ta ma'noli commitni (feat: ..., fix: ..., docs: ...) amalga oshiring va git log --oneline buyrug'i natijasini ko'ring.

---

8-dars: Git bilan ishlash amaliyoti (Tarmoqlar va Konfliktlar)

1. Loyihangizda feature-settings nomli yangi branch oching (git switch -c feature-settings).
2. Yangi branchda AppSettings.kt faylini yarating va unga boshlang'ich sozlamalarni yozib commit qiling.
3. Asosiy main tarmog'iga qaytib (git switch main), o'zgarishlarni git merge feature-settings buyrug'i bilan birlashtiring. So'ngra eski branchni git branch -d feature-settings orqali o'chiring.
4. Bitta fayl ichida sun'iy to'qnashuv (Merge Conflict) hosil qiling, uni qo'lda to'g'rilab, to'qnashuv belgilarini o'chirib, muvaffaqiyatli merge commitini amalga oshiring.

---

9-dars: GitHub’da loyihalar yaratish va boshqarish

1. O'zingizning shaxsiy GitHub akkauntingizda yangi Public repozitoriy yarating.
2. Lokal kompyuteringizdagi Android loyihasini masofaviy GitHub repozitoriyasiga ulang (git remote add origin ...) va barcha commitlarni git push -u origin main orqali yuklang.
3. Loyihangiz uchun Markdown formatida chiroyli va tushunarli README.md faylini yozing:
   • Loyiha nomi va vazifasi;
   • Ishlatilgan kutubxonalar va texnologiyalar;
   • Qanday o'rnatish va ishga tushirish bo'yicha qo'llanma.
4. Repozitoriyda 2 ta yangi "Issue" oching: biri rejadagi funksiya haqida, ikkinchisi xatolik haqida. Ulardan birini commit xabarida fixes #... deb yozish orqali avtomatik yoping.

---